سوق الضماير



الشمس كسرت ضواها
والنسيم الهاب فــــاير
الشوارع سكته تمشي الناس
خجلانه
المساجد خاليه.. وصفنه المناير
من بعد
يخطفني شاب
الله جابك …..
اهنا صحت هينوب
زاير
التفت هابويه خير
شنهو صاير
قتله وين تريد …طاير
قال الحق
رايح ارد اشري ضمير
السوق
زحمه اليوم
قالوا بيه ضمير
اليوم داير
شنهو زاير؟؟؟
قال روح الناس
تشري اليوم
ترخص
قبل ما يتسعر السوق
ويفسدونه الدوائر

روح بويه قبل ما
تغلى الضماير
قتله زاير
انت هم بايع ضميرك؟
قال لا بويه لجن
جاري رهن مضطر ضميره
وذبح جم زاير بزاير
ذبح شرطه هواي
من
سبعة مخافر

ومن سمع بالمالكي
يذيع البشاير
للي غطوا بالكباير
تاب من ذنبه
ورجع يبني الوطن يخدم
شعبنا
لجن بس عوزه ضمير!
ترضى يمشي بلا ضمير؟

لويظل ارهابي كافر؟
خلني الحق.. اظن بس سويعه
ويعزل بعد
سوق الضماير
قلته لازاير:
انا اظن كل سوق يكسد
بس يظل سوق الضماير
باليدمر قاعه
عامـــر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *