اشوفك بالحلم



كل ليلة اشوفك وابتسم
كل لحظة كل لمحة نجم
تتلالى لعيوني بسعد وارسم محاجيك رسم
ما بينا اسرار وتظم
تدري انت حبك روج بهورش القلب بالروح وك دق بالعظم
غذيتني بحبك صغير اخظر بعد…تدري انا اموت من اننفطم
لا الله يرضى ولا بنادم بيها يرضى النوب المن نحتكم
تدفني حي وتشتمر وبيدينك الحلوات تلهب نار قلبي التستعر
وتراب قبري النوب بكفوفك تطم
لا لا ولك لا تنهظم
امشي علطولك خاف تذكرني وتهم
انت التطشهن وانا الم
اشتل عشق واقطف عناقيد الهظم
وتمايز تراب اللمس كفك واشم
انت الردت عشرتنا لحظة وتنخصم
جاوبني هذا الحب صدق لو كله شطحات ووهم
وان كان تسعد غيبتي
يكفيني اشوفك بالحلم…يكفيني اشوفك بالحلم

اترك رداً على Hadeer إلغاء الرد

لن يتم نشر عنوان بريدك الإلكتروني.

(2) تعليقات عن "اشوفك بالحلم"

    يالعطرك ورد بستان وبكل عمري اتمنة اشم
    ياصورة صارت صورتك رسمتني ياروحي رسم
    مو جرح يوم اويشفه لالا خلت على احساسي وشم
    انمحيت انة من الوجود ردتني ألما قبل العدم
    سالوفه بحلوك الخلك ويمكن سووهه فلم
    ارحمني يبن الناس يلا كبل لا اني انثلم
    هاك روحي لوحة بيضة اكتب اشماردت تكتب ياقلم احلى قلم