شلون انسى

شلون انسى
وآنه أشتم نسايمْ شوكَ من غرسه
درٌسني المحبه صغير ولسه وماخلَص درسه
وسرتْ بينه ولاننشد!! يمته إنوكد المرسى
إبسجن وشمحله السجانْ
من يدخل علي خلسه
من يقفل عليه الباب ويجتفني إبوسط حبسه
بالبريسم يعذبني ويرفسني وأصيحن آه
وموش الالم موجعني
ولا نشاد للرفسه
موجعني رفيف جفوفه الملسه
يوِنسه المابعدها إعله المحب ونسه
ويهددني إبدرس ويكَلي ماتنساه
وانا بغيره فلا ارضه الن مايجينه استادي بنفسه
وافرع واندعي لربي
يجيبه اليوم ويحرسه
يردني لالف باء الحب
خافن من تمر بيه السنين انسى
نذر لاتنطرك محبوس وخلافك ولاهمسه
وأظل تلميذ إلكْ ياهيه
هايم ينتظر درسه


Notice: Trying to get property 'comment_ID' of non-object in /var/www/html/wp-includes/comment-template.php on line 677

Notice: Trying to get property 'user_id' of non-object in /var/www/html/wp-includes/comment-template.php on line 28

Notice: Trying to get property 'comment_ID' of non-object in /var/www/html/wp-includes/comment-template.php on line 48
اترك رداً على غير معروف إلغاء الرد

لن يتم نشر عنوان بريدك الإلكتروني.

(63) تعليقات عن "شلون انسى"