عرفت الدرب مسدود

يناير, 2012, أوتاوا

حبيتج امل بعيون الاحلام
وشلتج طيف وردي مناطر وعود
وظنيتج ورد والحب حوازير
وظنيت الاماني بوجهج رسوم
اثاريني عشت باوهام عشاق
وثاري الشوك ينبت بين الورود؟
وحسبالي قلب يسجى اليذبلون
والميت حلم لو يرجع اردود
تركت الحب والاحلام الجميله
وبيديني استراحت شجرة الشوق
اتركت ورداتنا تلاعبها الهموم
واثر جدمينج بكفيني زحته
غطيت اسمج بليل اليدفنون
وخيالج من صبح دنياي شلته
قصيتج عرج ينبض بالهموم
وعلى عتبة عتب بابج شمرته
جفيتج مو بطر حكم اليحبون
من عرفت الدرب مسدود تركتج
وبعد مابيه والحب هذا حده
نشف شوق القلب من ما لقه الماي
مثل ما نشف بالبستان ورده

اترك رداً على محمد ناصريه إلغاء الرد

لن يتم نشر عنوان بريدك الإلكتروني.

(3) تعليقات عن "عرفت الدرب مسدود"

    سلامي الى الشاعرالكبير الي سكنه قلبي واتمنى رؤيته مجددا بأقرب وقت.
    ملاحظة: علیك الكلب لیل نہار ( ینحب ) ،
    الحلو غصبن علی الحلوین ( ینحب ) ،

    طبع المحب مو بالشوف ( ینحب )

    محبتک بالگلب غصبن علیه
    <مشتاقين>

    سلامي الى الشاعرالكبير الي سكنه قلبي واتمنى رؤيته مجددا بأقرب وقت.
    ملاحظة: علیك الكلب لیل نہار ( ینحب ) ،
    الحلو غصبن علی الحلوین ( ینحب ) ،

    طبع المحب مو بالشوف ( ینحب )

    محبتک بالگلب غصبن علیه
    <مشتاقين>