ما ابيع الكم ضميري



ما ابيع الكم ضميري
روحو يابا .. ودوروا غيري
مالحد كلش غميج وما اظنش بالقصب ينگاش
بيري
دوروا واحد ماله دين ولا غدير اصحابكم
يشبه غديري
مرفرف بسد النخل بعيوني ديري
وانا ماينصاد بالچلمات طيري
دوروا غيري
دوروا واحد باع عرضه بلا ثمن
دوروا واحد لو سمع چيلات من يمه چمن
دوروا واحد مايحسب حساب
لايام الچفن
دوروا واحد ما بره ضلوعه الزمن
دوروا واحد ناكر أهله
من الزلم يبسلها بسله
عنده هاي حچايه سهله
دوروا واحد گلبه من امريكا مستورد
صناعه … من الزغر مايل شراعه
ناسي روحه وناسي ربعه وناسي گاعه
غيري موش انا اليشرب اخوانه بثله
ماني شربيت المحنه بماي دهله
شلون غيرك يافرات بعيني يحله
دوروا غيري
ما ابيع الكم ضميري… شلون انام وگلبي عن جروحه يسلى
والله عمله
شلون اصير وياكم وبالگلب منكم الف نبله
شلون تاليها انا اميل
ورايتي ويالوطن عدله
ما ابيع الكم ضميري واگضي عمري بصايه هدله
مشيي مشي الشال راسه بطيب ذچره وما ابدله


Notice: Trying to get property 'comment_ID' of non-object in /var/www/html/wp-includes/comment-template.php on line 677

Notice: Trying to get property 'user_id' of non-object in /var/www/html/wp-includes/comment-template.php on line 28

Notice: Trying to get property 'comment_ID' of non-object in /var/www/html/wp-includes/comment-template.php on line 48
اترك رداً على غير معروف إلغاء الرد

لن يتم نشر عنوان بريدك الإلكتروني.