أبريل, 30, 2006
|
خـل يـمـشي القطار محمل أيام
يـطـر فـي الـزمان بليل شمعه
بـيـه ارواحـنـا محملها للموت
ويـومـيـن الـفواتح موش سبعه
لـجـن هذا القطار شكثر محبوب
لان بـيـه لـلـوطن والدين رفعه
يـا قـاع الـتـروت بالدما سنين
بـلـسمها النزف جرعه علجرعه
وعلى دروب الرفض علمنا الحسين
ولـهـسـه يصيح هيهات ونسمعه
وهـو الـزود العراق البيه نوماس
ولـلـيـنـخـاه يـهد وياه فزعه
وهـو الـقبله التهوف عليه القلوب
وتـطـوف عليه كعبه وبيه تسعى
تـعـال عـللعراق التمت وحوش
وبـجـفـوف السماسر صار سلعه
يـا حـيـف العراق ينازع الروح
وشوف اعضاه صارت قطعه قطعه
تـلـحـق ما تلحق صارت علوم
دخـل نـركض عليه بلجن نودعه
يـا حـيف العجارب قرصته بليل
وحـيـايـات الظهر قامت تلسعه
اجـتـنـا الله يـسـتر كلها حفاي
غـبـره وجوه وخشوم الها جدعه
شـرعـهـم باللحايا وكف الثياب
وحـجـيهم هاي بدعه وذيج بدعه
نـسوا خير العراق وصيت الأجواد
وانـهـاره ونـخيله وطيب زرعه
يـردون الامـان بـغـير العراق
وهـو الـمعروف بالتاريخ والقلعه
لـون بـيدي الامور وراي مسموع
لـقـلـلـلـهم دروحوا والف قلعه
عـلـيـش تريد دوله لوحدك اليوم
وعـلـم فـوق الـعلم رايد ترفعه
سـاس مـن الـخيانة سنين ومنين
طـبـع والبيه طبع ما ينسه طبعه
بـاجـر تـطلع أمريكا من العراق
وابـاب الـمنه اجت باجر نشمعه
بـاجـر يـاهو يطلع رافع الراس
ويـاهـو من الندامة يعض بعضه
ويـحـيـف عللزلم يامرها زلماي
وتـريـد اثـنين شرع الله يشرعه
بـعين الله الشعب وبعين أبو حسين
وخـل أمـريـكـا لـليلهث تنفعه
|
بعد عمري عراق الظيم مهموم اشوكت راسك يبعد اهلي ترفعة
اوترد النة ايام الراحت افراح او تنشف اعيونة اوماتظل دمعة
باجر توكف اجيال الحضارات تسل اسيوف عل المحتل تشلعة
باجر قانون اوفكر اتحملة الرجالات اولدروب العراق ايصير شمعة
لا امريكا لافارس لاللرهاب ببلادي ابد ماتظل وجعة
بعراق الزلم اتصير كلهه اسيوف تهز الكون لوهلهلت فدعة
سأعطيك مفتاح القصائد كلها اذا شئت ان تفتح وان شئت تقفل
ايها المبدع
قصيدة اكثر من رائعه واتمنى لك مواصلت الابداع والتئلق