لا تلومين الا نفسج



لا تلومين إلا نفــسج
لا تقولين الظروف
ولا تقولين انشغلتي
من السوالف هاي بسج
جان ينلام اليعيل وكان يتعدل بكل حكمة اليميل
وأنا أدري من الطهر والطيب رسج
بروح أبوج من العتب واللوم بسج
لا تلومين إلا نفسج
كم شهر مر وأنا منتطر وصالج كم سنه الراحت تمر والكبر ذبج
ليل…. ماطر الفجر واطلعت شمسج
انت يبست الدروب التزدهر جانت بغرسج
وانت حتى النفس بيه الجان يتنفس بهمسج
هسه مخنوق النفس
والعتب يمــــج
وحتى اذني اصبحت طرشه بغير حسج
عذبيتين عذاب وفوق كل جبار ربج
وهم تلوميني عليش؟
لا تلومين إلا نفسج
راح تبقى طيوفج تدعدغ خيالي
وقلبي ماظن ينسى حبج
هذا آخر بيت قاسي وراح أودعج…….
لا تلومين إلا نفسج

اترك تعليقاً

لن يتم نشر عنوان بريدك الإلكتروني.

(268) تعليقات عن "لا تلومين الا نفسج"