| اذا تقبل تحياتي هنا يالشدتك هونت شداتي الك روحي الك قلبي والك بالحزن سكته تفيض دمعاتي الك يالشتت روحي هسه التمت اشتاتي الك اوقف سمة اجلال وطول وياك وقفاتي واشوفنك ورد من حيت أزين بيك باقاتي وعلى امتون الزلم نيشان وسام العز احطنك ملح بعيون شماتي بيك توهم الشمات اكذبت حسباتهم ومكاونك تاريخ الك وصدقت حسباتي اذا تقبل تحياتي الك يا موطن الثوار ادزها اجنود ببياتي ادز لجروح قلبك من توجر الاه آهاتي واهوس لو سرى المهوال بالعز والفخر والزود هوساتي عدها ان كان غايه الناس بحبك يا عراق وعزتك بالقلب غاياتي شتريد تقول عنك من وصفها الناس عراق ورايتك بيضه ارفعت للنجم راياتي |
||