مارس 10, 2002
|
يـا هو البيك راهن طلع خسران
وكـل سـاق الـيهم يمك كسرته
أشـب هبة فرح والعب بالاوزان
اذا خـيال مـر بـيك وسـبقته
أنـا لـعيناك اقضي الليل سهران
واظـل مطلوب الك لو ما سهرته
احـبك حب دريج وموش بطران
حبيب وعمري يقضي وما وصلته
قـلبي انـت الحرقته بغير دخان
ولاقـل لـلشماته انـت الحرقته
ذقت مايك سحرني ولسه سكران
وغـير اسـمك غزل لاما عرفته
اسـمك بـالقلب وعروقي نهران
نـهر يـجلب نهر لاجلك عبرته
مـا ريد اليحبك بس حجي السان
اذا مـا بـالشديده ويـاك شفتته
يا ناس اعذروني ان جان غلطان
اذا حـبك ذنـب انـا ارتـكبته
واذا حب الوطن من زود الايمان
اقـل لـلباع حـبك بـيش بعته
بـيـدك لـومتت مـاريد دفـان
وهـنياله الـحدر قـاعك دفـته
|
اشكثر ايام مرت بية بردان بس راح البرد لمن حظنتة
ترابك حبيبي اتكول بركان اداوي اجروح قلبي من لثمتة
مثل قيس اصبحت وياك حيران تحن ليلاك كلي اشوكت يمتة
انةالتايه ابين الدول سكران يانشوت نبيذك من شربتة
انت الكون انت الملك والتيجان يعراق العمر لجلك نذرتة
حياك الله ابوابراهيم شرفت ونورت كم سررت بقراءة هذه الابيات التي جادت بها قريحتك حياك وبياك راح اتظيع قصايدي بين بحورك الواسعه ..تسلم
اني الحجارة في جبلك الشاشق ولا اسمو الى اختيار مفرداتك التي ملئت الروح والضمير نشوة.التوفيق لك والمواصلة الدائمة.