بطلت ماريد اسافر



بطلت ماريد اسافر
وقمت اكابر
من ردت غفله انا اسافر
ماخفت شرطه وعساكر
ورجعتني
ولا خفت نقطه بطريجي
خفت اروح بلا وداع
واملت تطلع وشوفك
لو تمرني
على الدرب
خطوه محب
تلقاني ناطر
وصفنه تاخذني وتردني
وعيني تربي بلا مناظر
وناشدوني… وقمــت اكابر
بطلت من ردت اسافر
حاوطتني طيوفك بك الجهات
وسدت علي المحاور
و
قمت اشوف عيونك ولمحات طولك
وطيفك بكل القناطر
وصرت عرضه وناشدوني
وكابرت ما تنطي روحي
وقمت اشاور
بامري روحي
الماتشاور
وتالي رديت الجناط
و
بطلت مابي اخليكم واسافر

الزمن يتواطى



شمال الزمن كلما جاه يتواطى
يرضعه الزور ويشربه الدغش
ويغير فطرة المولود
بقماطه
شمالك يالربيت وياك نعبر كل
علالي الزمن واشواطه
تذكر نحضن التنور جنا
ونشتم من البرد شعواطه
شمالك من طحت صديت عني
وقروطتني الناس قرواطه
وتدري بنفط ذبوني
عمت عينك علي تصير
شخاطه
أخوي وجنت لو ثوبي انفتق
تلظملي اخياطه
دغش وانت ادرى بيها شلون
لادين وبلامذهب
بس وياي
محتاطه
عمت عينك يهالخوه
أمردت قلبي وكسرته وعثت
بانياطه
يالتعرف حجينا وشنهي رباطه
شضرك لو جنت عالتل
ترمي اهنا وترمي اهنا
مثل مروان وانماطه
شضرك لوجنت بالنص
والحق لابد يبين
يرفع ناس ربك
واليضد الدين
يتواطى
نفرض لو جنت غلطان
مو جان اولى بيك
تشيل اخيك
تستر اغلاطه
وما ظن بالبشر معصوم
غير اربع طعش
ياهيه
كلمن يفتح اجناطه