| الج هذا الشعر يا احلى ….. ماكنتي علليصدون سهلــــه من اهلج والاصيل يعــود لاهله الجذب مو عللسانج … ما تجذبين وقصير الجذب للجذاب حبله وبسمه عللوجه من حزنج تلــــوح وتلبسين الحزن للفرح بــــــدله الك و البيننا وكل حسره ودموع وكل كلمه وحرف بيها انت جمله جمله انت الجمال سطور وياج وصرتي من الحسن للشاف مثله تمنيتج لروحي نعيش الايام ونطبع على خدود الزمن قبله حرامات الورد ما ينسقى بماي يرويه العطش والماي دهله الوادم تفكد العدها من الرسوم وكل يوم انت من الفات احلى |
الشهر: أغسطس 2010
شيفيد الركض
| يا شمعة امل ردناك يا مسحة حنان وطيب حبيناك لجل عيناك نحي ونذكر وننسى فلا ننساك على نسمة امل ماشين حملنا مراجبنا بيادر شوق متعنين يم دنياك عطشانين وين الماي تروينه بامل نتروى لو شفناك بحر والروج موتدري العذر من حيت ضيعناك تاه الدرب بينا الحيف ساحلنه المسج من حيث شميناك اجينا لبابك وياهيه يا باب الحسن بالشوق ناديناك وترينه يمر منك خيال وطيف تانيناك موش الحيف لمن غلقت بابك لجن الحيف اجينا وحظنا ماشفناك وقالوا ها خيالك هالخطف يمنه ركضنا عل الاثر ظنة فرح نلقاك لجن مامش امل منك وشيفيد الركض لو كبحت دنياك |
طولت
يناير , 5 , 2001 , أوتاوا
| طولت أبد لاحد ماقلت وانا الك ماعولت تانيتك بسد الليالي وما نمت وجلبيت عليك عمري ودورت واحسبت دقات قلبي البين اديك وسطرتها وفسرت شنهو صاير طولت سنتين كنهن ياالعفتني اذكرت نشدوني ياهو البي همت وتخبلت هيهات لاح ماقلت…ظنيت اجاوب واحترت ورديت اهذري ومادريت شتمتمت يالماكو مثلك كا قلت ذاك اليشبهك واشرت يا عبير المن هواك اتعطرت مر علينا بروح جدك طولت |