ولا قالي الله وياك

يناير, 4, 2001, أوتاوا

خـلالي صفنة حزن
ولاقـالـي الله وياك
ويا قلبي ليش iiالتحب
ما يوفي عمره iiوياك
لا يـا قـلب لا تون
لا  تـعـثر بممشاك
محيوك  طبعك iiوفي
تـذكـر الـيـنساك
ومـا يرهم iiبهالوكت
لـمـثـلك وشرواك
ناداك  صوت العشق
ولـبـيت من iiناداك
انـطـيته دمك iiوفى
جاوبني شنهى انطاك
خـلاك  تنزف iiقهر
والشوق  ترس iiدماك
ِالـمـن تجز iiالدرب
غـابت نجوم iiسماك
فـاتك  قطار iiالعشق
وقـنطر عليه iiهواك
الـقال  شنهو iiالعمر
مـا  يـرهـم بلياك
مـا صـدق iiبكلمتك
مـن  قـالك iiيهواك
خـلاك يا حيف iiالك
تـتـعـجل  iiببلواك
خـلاك قـاع iiوسما
وذاك العشق من ذاك

 

رهان

مارس 10, 2002

يـا  هو البيك راهن طلع iiخسران
وكـل سـاق الـيهم يمك iiكسرته
أشـب هبة فرح والعب iiبالاوزان
اذا  خـيال مـر بـيك iiوسـبقته
أنـا لـعيناك اقضي الليل iiسهران
واظـل مطلوب الك لو ما iiسهرته
احـبك حب دريج وموش iiبطران
حبيب وعمري يقضي وما وصلته
قـلبي  انـت الحرقته بغير دخان
ولاقـل  لـلشماته انـت iiالحرقته
ذقت  مايك سحرني ولسه iiسكران
وغـير اسـمك غزل لاما iiعرفته
اسـمك بـالقلب وعروقي iiنهران
نـهر  يـجلب نهر لاجلك iiعبرته
مـا ريد اليحبك بس حجي iiالسان
اذا  مـا بـالشديده ويـاك iiشفتته
يا  ناس اعذروني ان جان غلطان
اذا  حـبك ذنـب انـا iiارتـكبته
واذا  حب الوطن من زود iiالايمان
اقـل  لـلباع حـبك بـيش iiبعته
بـيـدك لـومتت مـاريد iiدفـان
وهـنياله  الـحدر قـاعك دفـته

 

الى ال سعود

اقطعوا هذه الدودة الزائده

اقطعوها لقد اهلكتنا بأفكارها البائــــــده

وهل تلك امتكم بالكتاب ….. بال سعود امة واحده

تلك تلك  التي قد نمت في براثن أفكارها الجامده

لقد سخرت كل طاقاتها لتمزيقنا …. جاهده

انها فتنه ايقظتها الدفائن من ال سعود  ….. وكانت مدى الدهر من قبلهم راقده

وياللرزيه ان البداوة تغدوا بعصر الحضارات  في عرفنا الرائده

وان تستدل بها العرب في غيها لتدفن اولى القبلتين وتختار درب الضلالة ترفع الوية الزيغ مافتأت عاقده

اقطعوا تلكم الدودة الزائده

انها اوجدت للدمــــار

وهل غير سفك الدماء لها ديدن وهل تذكرون لها فائده

أعدمت شيخنا النمر وكانت لجرح مشاعرنا قاصده

والذي انكي الجراح بان حسبته مع القاعده

10jan/16

نعم اعدمته ولكن نست بان تخمد الصوت ذاك الذي يؤجج نيرانا الخامده

فأين تولون من دمه ياعصبة الغي ……في كل يوم ستقتلكم صرخات الاباء

الم تعلموا بان الشجاع يموت بايديكم مرة واحده

وانتم تموتون الفا من الخوف تمحى زخارفكم وتبقى ضحاياكم الخالده

اقطعوا تلكم الدودة الزائده

 

السجينه

فبراير, 2010

يـاجـرح  جـنـدوب تاذينه iiشبلاك
يـيـزي مـا مـش ظـنـه iiوتخلينه
اصبر اصبر من عقب صبرك رضاك
ومـوش دوم الـمـوزمـه iiتـماشينه
تـرجـع نـجوم السعد تزهي iiبسماك
والـورد يـرجـع نـدى يـحـاجينه
مـايـزت دنـيـاك واعرفت الشراك
ويـاهـو دق بـظـهـرك iiالـسجينه
يـاهـو داس عـليك بجدامه iiوجزاك
بـالـردى الـطـيب الردي iiايجازينه
مـوش يـاحـيف النكث عوده بذراك
لاجـن  الـحـيـف الـتحسبه iiعلينه
ولـو خـلـت يـعجلها ربك iiبالهلاك
لابـد  يـظـل الـوفـى يـلاجـينه
لابـد بـدنـيـاك قـطرة ترد iiظماك
وتـمـسـح دمـوع الـذي iiبـخدينه
يـالـبـعـيد  بهيده من تمشي iiبهواك
اتـبـعـك  الـحـوبه وبخت iiهادينه
لاتـظـن يـنـسـاك ربك مو وراك
والـعـوج لابـد تـزل iiجـدمـيـنه
احـنـه  مـتمسكين بالله انت شوراك
مـو بـشـيـطـان الـسحر iiتغرينه
احـنـه  من حيدر روينا انت iiبظماك
وغـيـر نـبـع الـيـمـه iiمايروينه

عمري ما ظنيت اشوفك ثاني مره



عمري ما ظنيت اشوفك ثاني مره
موش ناسيك علبالي
وقلبي لسه اخضر عليك
وروحي خضره
شقد تنيتك .. من قلت للغاب عذره
وبد ما ظنيت اردن بالحلم وبشعرك اقرى
ولا ترد ردود روحي بشوفتك من عقب خضره
وانا روحي تعز علي.. عزة اليشري الممات
ولا تمر جلمه نجر تنقص بقدره
ولا طبع مني اتبع الينطيني ظهره
بس الك ذليت روحي
وبس الك ضحكت ليلي واخنقت شهقات نوحي
وتابعيتك وانت مجفي
احسب ظلالك بصفي
وانا اشب حسرات واطفي
امشي وي كل خطوه عثره
وجزت بيه حدود
كلفه بسبتك كل ساعه سطره
هايم انا
بشعرك اقرى
عمري ماظنيت اشوفك ثاني مره

المن اكتب

اذا مو لاجلك اكتب
المن اكتب
وانت بكل قصيده اكتبها عنوان
وانت اعذب نسيم بقلبي ايهب
يا أجمل سراب القلب عطشان
من اقول اوصلت يم دنياه يصعب
ياغيمة القلب يتنطرك قاع
محل وانت المطر واتريدك تصب
يالوجرت نارك تحرق الروح
الهبني بدلالك شوق الهب
لاتعتب ولك هجرانك عتاب
بس اددنه يمي بصوتك اعتب
وعذبني العذاب ويالعشق توم
عذبني شملذك من تعذب
غرقان ببحر شوقك يسفــان
واذا مو بيك اجلب بيش اجلب

تالي الفلاحه

 

اصوغج بالشعر
كل حرف قداحه
يبنت الناس والعباس
تراهي الروح بس وياج
مرتاحه
دنيا البيها عرفج
وانت تنقرطين كتلنا الجوع
عرموطه
لالا
احلى تفاحه
يحسبات العمر واحزانه واتراحه
يوجهج ياصباح العيد ياشمس الفرح نورت
مصباحه
تعب كل العمر تدرين نشقى وشوفتج من كل تعب
راحه
يهيه الدنيا كلها اهموم ومن حين الاشوفج كلها منزاحه
يانعمة الهي بتالي الفلاحه

 

جيش ابرهه

 

جيش ابرهه
وصل جيش ابرهه لتحرير الأوطان…وصل والقاع من يسيمهم تميل
وصل جيش ابرهه بشارة التنطرون…وصل جيش ابرهه وياحي هالوجوه
وصل بغداد جيشه بهدوة الليل
وصل جيش ابرهه وبيدينه قرآن…تنخى بشيمته يعز المذاليل
وصل يعراقنا يطهرج يا هالقاع….وبيدين ابرهه تطيح التماثيل
وصل جيش ابرهه ورد هبل للقاع…وذب وسط النهر كل الأناجيل
وصل تلقلته ورود وهدايات…وصكت للنجم ذيج الهلاهيل
هلا وكل الهلا لسان التلقوه….هلا بجيش اليرد دم المجاتيل
خله براحته يتقمش القاع…وكل خير المزارع علف للفيل
وصل جيش ابرهه ووهوس المهوال….وزمور التفق جنهن مواصيل
وصل جيش ابرهه الحريه وياه…يرد باعدل حكم كل عايل يعيل
وصل جيش ابرهه ودمعاتنا نهور…ولقمتنا اصبحت حسرة وتماسيل
وصل لن العراق مجسم ثلوم…علم لاهل الجنوب وعلم لاربيل
لعب جيش ابرهه واتخطى الحدود…وقامت تنخر بسدنا العواذيل
قعد جيش ابرهه وشيطلعه يايوم…لا دعوة بخيت ولا أبابيل
راحوله الزلم تترجى الوعود…وردهم والجواب علتساهيل
وسافة على الزلم من ترضى بالحيف…تسهر ليلها بطرق المواويل

 

أبو الزهره

 

يا جلمة شملذ طرواك بلساني
يا نسمة ربيع بقيض ليواني
يا هبة مسج وتعطر من بعيد برداني
تصورتك حلم وردي يبوالزهره يطوف شوق بجفوني
ويداعب ليل نسياني
ورسمتك بالخيال غيوم وتوسلتك تلث بيه
وتبلل هيمة أحزاني
ونظمتك شعر بالدلال….وعزفتك للفكر صفنات تدق
بأوتار البروحي وتسلي قليب وحداني
تهت باوكاتك الوسعه افوي بروج شطانك
لاجل ترسى علشطاني
يا أول قمر كشف ظلام الزور يا لاسمك قديم وأدم الثاني

 

ما ابيع الكم ضميري



ما ابيع الكم ضميري
روحو يابا .. ودوروا غيري
مالحد كلش غميج وما اظنش بالقصب ينگاش
بيري
دوروا واحد ماله دين ولا غدير اصحابكم
يشبه غديري
مرفرف بسد النخل بعيوني ديري
وانا ماينصاد بالچلمات طيري
دوروا غيري
دوروا واحد باع عرضه بلا ثمن
دوروا واحد لو سمع چيلات من يمه چمن
دوروا واحد مايحسب حساب
لايام الچفن
دوروا واحد ما بره ضلوعه الزمن
دوروا واحد ناكر أهله
من الزلم يبسلها بسله
عنده هاي حچايه سهله
دوروا واحد گلبه من امريكا مستورد
صناعه … من الزغر مايل شراعه
ناسي روحه وناسي ربعه وناسي گاعه
غيري موش انا اليشرب اخوانه بثله
ماني شربيت المحنه بماي دهله
شلون غيرك يافرات بعيني يحله
دوروا غيري
ما ابيع الكم ضميري… شلون انام وگلبي عن جروحه يسلى
والله عمله
شلون اصير وياكم وبالگلب منكم الف نبله
شلون تاليها انا اميل
ورايتي ويالوطن عدله
ما ابيع الكم ضميري واگضي عمري بصايه هدله
مشيي مشي الشال راسه بطيب ذچره وما ابدله