Jan 2016
ندفع لو تبيع الوطن قنـــطار
ونحمللك ذهب لوحبيت قنطـار
سمير الرد عليهم انا القنطــار
اذا راد الوطن روحي هديه
ولاساد
نمر ما ظن سبع مثلك ولاساد
ثرت لاحـــايط يردك ولا ساد
اخلصت سلمان لايحكم ولاساد
عقبك والبشاير ذيك هيه
ان جان تحسب جمعنا بالعدد والنمر
مر بالمجد والمــجارم والابا وانا مر
العيش يحلى لعدانا والسعد وانا مـــر
من حيت بين دربنا من النبي من انحنا
وان كان تنكروتنشد بالربع من حنـــــــا
الراس عدنا لغير الركبه منحنــــــــــــا
تشهد دما الصدر والسيد حسن والنمـــر
أبريل, 2015
دمعات الفرح صارلها كوم سنين بالدلال محبوسه
مامش فرح هذا اخر زمان انقلب وانت تشوف هاي الدنيا محيوسه
خبث نيران ما تخمد علينا من العرب واحقاد مغروسه
لايمهم ولا باوينا خبزتهم واحنا عيوننا من الخير متروسه
عوفونا وعساكم بازود من الزود ينجوسه
واحنا النعرف شتردون وكل نياتكم ما تخفى محسوسه
مننسوا من اجى لصعده ونزلو روسه
غلط من حسبوا حسابات وكم عرش القبلهم نخرته السوسه
جهل لن ماقروا تاريخ هذا الوطن ونفوسه
ماعدنا ضماير بالنفط تنباع شنهي اليشتري ابن سعود بفلوسه
قام يصدر النا ارهاب ودق العالم عللوطن ناقوسه
صحت يابو المروه دخيل الك يابا الحسن والحاله ميأوسه
هناك ولن سمعت الخبر ماصدقت عيني الحشد وي الجيش لقن داعش من العلقم دروسه
هلا بالكسروا روسه
هلا بيهم صحت يالرجعوا للوطن ناموسه
هب الجيش وي الحشد من شافوا حدود الوطن بايد الاجنبي المنبوذ مجيوسه
نعم هاي الارض ما تحمل الانجاس هاي القاع بجدام انبياء الله مديوسه
مايدرون حقها الناس هاي القاع بالطاف الله واهل البيت محروسه
بسدهم نستنير وغيرنا يربد بفانوسه
مايدرون هذا الشعب من بيهم استمسك ما يعرف الخوف
ولا جلمة جبن تاجد بقاموسه
محد جان لابس خاتم سليمان ولافانوس سحري ولاعصا موسى
جيفنهم جبل والناطحاه يخيب والفوس تجيسه تهدمت فوسه
طالوا بالسواعد فوق ما بالبال ونالوا بالعزيمه النجم وشموسه
مشو يسيم جدمهم دك يدك القاع وكل بسطار تطبعله الارض بوسه
مشو وعيونهم للموت وموت العز لكل واحد غطاه اصبح وملبوسه
نعم لمن سمع داعش وقع بايد الاسود وكسرو روسه
العالم وقف كله اجلال وحتى امريكا فكت عينه من النصر مخلوسه
وظل يطحن طحن متحسر ابن اسعود وبات من الندامه يعضعض ضروسه
من مثلك على الكلفات متربي
الك شهديلك بهاليوم الك روحي الك قلبي
الك دزيت بابيات الشعر حبي
| يابو المكاون ياآفه..يابو العيون الابيه الماتنام عيونك عيون الفراسه يابوالعلوم الرفيعه… والادب يابو الدراسه ياكرم يابحر جود وياشجاعه ويا شراسه ياجبل ماحد گدرله … من ثباته وزود باسه چان كلمن ينتسب لك ياعراق للنجم يرتفع راسه صدگ هاليوم انت يااجمل بلاد بانتكاسه بلد محتل… جوع.. عوز… وامن ظايع والظليمه تصيح ناسه ياجبل ياوسفه شو كلمن يهدم بيك فاسه الماله احساس وكرامه ياهو اليرجّع احساسه ياگلب ينغر عليك ؟ كلها تحلم بالرئاسه ياهو الك؟ ياهو السهرلك ؟ يا وطننا ياهو اليطهرچ يگاع من النجاسه؟ كافي هذا الوطن ظيم شكثر من بلوانا قاسى شكثر دم انسگت گاعه … شكثر بي نوح وونين ومحد من الخلگ واسه شكثر باعوه بكراسي وكلمن يجر بيه ساسه واملينه ننول حقنا .. وكلمن بهدمه المقيسينه بقياسه … قلنا نصبر باچر المحتل يوزع كوسنا ونشرب نخبنا بالعدل يمليله كاسه .. وصفگينه ونمنا بطيوف الوناسه گالوا ونسمع سوالف .. من دبش واقبض مقدم امريكا تنطي الناس حگها وعود تطلع بالسياسه |
| الله ياموطني يابوالنعم والخير…. من ابعيد ادزلك ورد عنوان للتقدير .. انت اكبر من الشعر واكبر من التعبير ذبوك اخوتك غدر وانت اكبر من البير … سير علكلمن وقف.. عثرة بطريجك سير ولاتصد للوهدنك, ولا تنهضم وتحير.. بعين الله عينك حرز.. وهامتك نجم سهيل من تتعب من المشي…. ترتاح تالي التعب …. تنبت اجناحات الك وباجر ترد وططير ….. وتعيش ناسك رغد ويمسح دموعك سعد .. وبيد الله الك تيسير من قلبي الك تهنئه كل عام وانت بخير |
ديسمبر , 20, 2000 , أوتاوا
| يقللي فات الوكت وشيرجعنا الفات والعشق ما بي وكت ولا موعد وساعات العشق مثل العمر مامنه كافي ويزي وما بالعمر ردات وادري بدربنا كلف…..عذالي ما تنحسب وهواي الك شمات خليني اعيش بحلم وادري الحلم لحظات شقد لذيذ العشق ما ينوصف نوبات وشمحلات الوكت من يدبي بيه السمر وشمحلات الحكي وشمحلى الكلمات من تنطبق شفتك من ترتسم بسمات ينلام كل من يحب لوطق دليله ومات |
| آنه بس ارد أفتهم شنهو هذا هاي عيني تشوف لو آنــه بحلم شهالحلاة شهالجمال شهالانوثة شهالغزال المبتسم انت لوحة انت صورة البلخيال وتنرسم انتي يا نصب الجمال و بيك كل معنى واسم انتي هم من طين مثلي وماي مخلوقة وجسم انا بس ارد افتهم انتي رحلة شوق بقلوب الزلم انتي سالوفة وحجي الماينكتم إتـكَــٌلي شـُوف شبيه عيب انا بس ارد افتهم بيـٌه شي المنثلم وارد واصفن عمي بس طرقاعة انت شوصف بجسمك شذم ملحك من الراس يفتل للجدم انت وسفة تمسك كفوف وعلى شفافك شوارب تلتحم انت سر الحسن عندك واليقرب ينرجم شلون جرك حبل راعي انا بس ارد افتهم ودوم ما راح افتهم |
| تنيتك وانت ورده اببين الاطواكَ وصرتلك عين دِنكَه وعين الأرواكَ يمن نيران هجرك فوق الاحاه توكيت على جرحي وماقتلت أه يالقربك هجر ووعودك فراكَ شكثر محتام اشوفك شوق ويلاه يادرة وحفظتك بين الجفون واخاف من العيون عليك تنباكَ تصد لو ما تصد يا اسمك تراتيل يسبح بالقلب بالنفس نتاكَ يا اسمك والنسايم والفجر توم يالحسنك قمر بعيون تفاكَ ياسمر وعلى غيرك تهدل هدوم وانت شما لبست الثوب الك لاق يالماحسبت لمكابرك يوم ولك خاف الله يالدقاتك الحاكَ يطيفي ان كان مر من عينها النوم تلهوق ما انت تدري العشق لهواكَ اخذ مكتوب دمعي وبيه مرسوم ورد من طيب اهنا وطيب العراكَ واخبره الليل غابت منه النيوم ومن شجرتنا طاحن كل الاوراكَ يقلبي من الفرح شندوب محروم عفاك وعبرت روجاتك الراكَ ليمته تظل حلم بديارها تحوم وليمته تظل تنشدك عنها الارفاكَ الك يالما يند بقلبك اللوم تعالي بسد ونيني وطفي الاشواكَ تعالي وما يصح كل دهره اليصوم تعالي انلف علينا الساق بالساكَ |
يناير, 2012, أوتاوا
ما عرفك
جرح غيرك شدخ ماطوله مو جرحـك
واذا جنح اليون مكسور وانت اتطير بجناحين
ما تنلام لن الجنح مو جنحك
اعرف انا شيصلحك بس خرابي البيه
واعرف ليش ما اصلحك
الينصحك فاضـحك عدك اببين الناس
ونا حالف يـمين النوب ما انصحك
اعزك جـنت وانت اقرب نفس للروح
بس ما جنـت اعرفك حيث ما اعرفك
لوجنت انا اعرفك هيج
ما عندك فرق بين العشب والطين
لو جنت انا اعرفك هيج
صدقني بعشر طليان ما اسرحك
ما اعرفك
ما اعرفك شخص جذاب منافق بالسهل ما ينعرف شخصك
شخص واطي وكرامة وذوق وانسانية ما عندك
وانت تلومني وغيرك يلوم يقول ما رد السلام وشنهي الك عندي
وربك لوجنت عطشان وانت الماي مااشربك
ماعرفك
| كل ليلة اشوفك وابتسم كل لحظة كل لمحة نجم تتلالى لعيوني بسعد وارسم محاجيك رسم ما بينا اسرار وتظم تدري انت حبك روج بهورش القلب بالروح وك دق بالعظم غذيتني بحبك صغير اخظر بعد…تدري انا اموت من اننفطم لا الله يرضى ولا بنادم بيها يرضى النوب المن نحتكم تدفني حي وتشتمر وبيدينك الحلوات تلهب نار قلبي التستعر وتراب قبري النوب بكفوفك تطم لا لا ولك لا تنهظم امشي علطولك خاف تذكرني وتهم انت التطشهن وانا الم اشتل عشق واقطف عناقيد الهظم وتمايز تراب اللمس كفك واشم انت الردت عشرتنا لحظة وتنخصم جاوبني هذا الحب صدق لو كله شطحات ووهم وان كان تسعد غيبتي يكفيني اشوفك بالحلم…يكفيني اشوفك بالحلم |
| شلون انسى وآنه أشتم نسايمْ شوكَ من غرسه درٌسني المحبه صغير ولسه وماخلَص درسه وسرتْ بينه ولاننشد!! يمته إنوكد المرسى إبسجن وشمحله السجانْ من يدخل علي خلسه من يقفل عليه الباب ويجتفني إبوسط حبسه بالبريسم يعذبني ويرفسني وأصيحن آه وموش الالم موجعني ولا نشاد للرفسه موجعني رفيف جفوفه الملسه يوِنسه المابعدها إعله المحب ونسه ويهددني إبدرس ويكَلي ماتنساه وانا بغيره فلا ارضه الن مايجينه استادي بنفسه وافرع واندعي لربي يجيبه اليوم ويحرسه يردني لالف باء الحب خافن من تمر بيه السنين انسى نذر لاتنطرك محبوس وخلافك ولاهمسه وأظل تلميذ إلكْ ياهيه هايم ينتظر درسه |
