| بس تعالي | ||
| بس تعالي القلب يتهنى بهواج امشي جدامي علطولج ومتعي عيوني بغواج هبي يا نسمات عمري وعطري الدنيا بهواج ردي عقبج شوفي حال الضيم حالي بس تعالي بس تعالي يا ضواي البيه اشوف بس تعالي انا الحبيب المن يمر اسمج يهوف ما دريتي ابيتج انا شقد امر يوميه….امر بيكم وطوف ولج شنهو الجاره وين وياج تالي بس تعالي بس تعالي…الدنيا كلها تصير نور يهيد قلبي المن دلالج دلالج ظل يفور بس تعالي يالي نسماتج ورد جوري وبخور مروتج جان انا عندج صدق غالي بس تعالي |
||
|
يـا مـلـح الـليالي وطيب الايام
يـا ريـح الـصبا الينعش هبوبه
هـيـست المراره بريج الافراح
لان انـت چنـت بـيها العذوبه
يـابـدر الـسـعاده الچنت اتانيه
وابـد مـاحـسـبت يوم لغروبه
وحـقك ما نمت ليلي علی فرگاك
ولا فـاد الـطـبـيب ولا حبوبه
يـالچنـت الـعذيبي بگيظ دنياي
يـعگبـك دنـيتي سموم ورطوبه
تـرى ثـيابي حدرهن بس العظام
اذا غـيـرى يـتبختر حدر ثوبه
الـك يـالشوّرت بيه بردى الحال
نـسـيت انك بخيت وبيك حوبه
ترى گلبي انكسر من طول الفراگ
هـواي تـنـدمت من قلت توبه
وترى بنادم يرد من يعصي الإله
يـقـبـل تـوبـته ويغفر ذنوبه
السموحه بشيمتك يازين الاوصاف
ومـن مـثـلـك كريم وساد بوبه
دخـيـلك والليالي تمر علي ضيم
وحـتـى السهل بخلافك صعوبه
مـو چان الگلب ينبض لك سنين
شـوهـدنّـي وقـلت ياناس توبه
|
أبريل, 30, 2006
|
خـل يـمـشي القطار محمل أيام
يـطـر فـي الـزمان بليل شمعه
بـيـه ارواحـنـا محملها للموت
ويـومـيـن الـفواتح موش سبعه
لـجـن هذا القطار شكثر محبوب
لان بـيـه لـلـوطن والدين رفعه
يـا قـاع الـتـروت بالدما سنين
بـلـسمها النزف جرعه علجرعه
وعلى دروب الرفض علمنا الحسين
ولـهـسـه يصيح هيهات ونسمعه
وهـو الـزود العراق البيه نوماس
ولـلـيـنـخـاه يـهد وياه فزعه
وهـو الـقبله التهوف عليه القلوب
وتـطـوف عليه كعبه وبيه تسعى
تـعـال عـللعراق التمت وحوش
وبـجـفـوف السماسر صار سلعه
يـا حـيـف العراق ينازع الروح
وشوف اعضاه صارت قطعه قطعه
تـلـحـق ما تلحق صارت علوم
دخـل نـركض عليه بلجن نودعه
يـا حـيف العجارب قرصته بليل
وحـيـايـات الظهر قامت تلسعه
اجـتـنـا الله يـسـتر كلها حفاي
غـبـره وجوه وخشوم الها جدعه
شـرعـهـم باللحايا وكف الثياب
وحـجـيهم هاي بدعه وذيج بدعه
نـسوا خير العراق وصيت الأجواد
وانـهـاره ونـخيله وطيب زرعه
يـردون الامـان بـغـير العراق
وهـو الـمعروف بالتاريخ والقلعه
لـون بـيدي الامور وراي مسموع
لـقـلـلـلـهم دروحوا والف قلعه
عـلـيـش تريد دوله لوحدك اليوم
وعـلـم فـوق الـعلم رايد ترفعه
سـاس مـن الـخيانة سنين ومنين
طـبـع والبيه طبع ما ينسه طبعه
بـاجـر تـطلع أمريكا من العراق
وابـاب الـمنه اجت باجر نشمعه
بـاجـر يـاهو يطلع رافع الراس
ويـاهـو من الندامة يعض بعضه
ويـحـيـف عللزلم يامرها زلماي
وتـريـد اثـنين شرع الله يشرعه
بـعين الله الشعب وبعين أبو حسين
وخـل أمـريـكـا لـليلهث تنفعه
|
ديسمبر, 15, 1994
|
هـذا قـصـيـدك مـا تـعداك نوبة
وشهو الحكي ذا الي تقول شجاب للجاب
مـا انـتـم عـرب يا مدعين العروبة
ومـا انـتم هلا التوحيد وانتم له اجناب
ومـا انـتـم شروق المجد انتم غروبه
قـرص الشمس جبناه من كور وغاب
والـشـاعـر الـصج ما يغلط شعوبه
ولا يـقـحـم الـينواه باسلوب سباب
كـم شـاعـر وشـاعـر سقيناه كوبه
الـسـن بـالسن وان بغى الناب بالناب
ومـوعـيـبـنـه صـدام لاشال ثوبه
لاراد ديـن الـلـي به كتاب وحساب
حـنـه بـلـدن مـا بـها هالرطوبه
دوم مـطـيـره ولاجـفا الغيم ينجاب
حـنـا غـرفـنـه الماي دهله معذوبه
وانـتـو شـربتوا من مباويل الادواب
وحـنـه شـعـرنـه مسبسبات ذروبه
وانـتـو قـمل ينقط شعركو والصواب
حـنـه صـنعنا من ثدي الهوش روبه
وانـتـو شربتوا من ثدي النوق ماراب
وحـنـه زرعـنـا القاع حنطه ويلوبه
وانـتـو زرعتوا عرفج وشوك بتراب
يـا خـالـد الـفيصل ولك توب توبه
لادام هـو مـفـتـوح لامـثالك الباب
لـسـه تـرى فـيـك الـبداوة سبوبه
بـدو جـنـاقـل بـالـمتاييه واعراب
خـل عـنـك هرجل والسرابيت نوبه
قـبـلـن يـذبك رب الاكوان بصواب
صـدام لـولا بـوش مـا جـاغروبه
وشـفـتـه يـجول بمملكة قيس بواب
ولـولا عـمـامك جا لعب بيك طوبه
وجـا صـار نفطك بيد فرهود جساب
كـلـنـا ريـسـانـه لا تسلط عقوبه
والـشـعـب ماله ذنب به يوم ينعاب
هـذي يـخـوي مـن القصيد محبوبه
وحـنـا انـتكشمر دايم اخوان واحباب
|
| كَاعك مومثل كل كَاع تناغيها المروه وتركَد بسدها وتغط بعيونّا اسفوحه ياشوغه حنيني البيك مندوحه ويالصوتك عذب وجلاب تنبح غدت مبحوحه ياعنبر يعط بكل سما بفوحه يلاشيك الحسد يالحسنك مغاويك عالي وعز الك ياجف اليلوحه الك سر بالقلب يعراكَ مابياش من يكثر علي اللوم مابوحه الك لا والنبايه البيك ونور البغري متشابجه صروحه الك صيحة محب ولهان جذب ما غشمراه الروج غرق بمحبتك ماجلب بلوحه يامثوى الكرم بيبان الك بالزود ابد ماتنغلج لازال مفتوحه هاي ارسومك وفوعه معانيك يلاهي شكثر مملوحه كذب مات التعلق بيك ولعينك لاجل شعبك رخص روحه دخل تتحسر العذال حقها الفاجده من اتنوح مسموحه باكر ينشف من الدم وطنا وتلتم اجروحه يشيل حمول دنيا مترسات احلام الها سنين مطروحه ويرد يضحك الليل المكَمد بنوحه ويرد يقطع حبال الدولبتنا بغير مرجوحه وترد كَلوب المحبين الك يعراكَ الك يعراكَ مشروحه |
| أريد عراق فدرالي يصير يرد زماني ويعدل احوالي يصير تخضر الوردات هاي الذوبلاها الضيم من تالي يصير ويفرح المحزون وترد اربعونا وبيها الضوه يلالي يصير ويرجع التاريخ يكتب شعر بظلالي يرد ياصاح بينا اليوم اليرفرف بيه علمنا ونيشكخ عالي ليمته اتنطر انا اليوم اليهز الظالمين بليل زلزالي ويرد المحتل المدغوش بذله يقبل انعالي يهنيالي بشعب ماهادن الفعنين هنيالي |
| الج هذا الشعر يا احلى ….. ماكنتي علليصدون سهلــــه من اهلج والاصيل يعــود لاهله الجذب مو عللسانج … ما تجذبين وقصير الجذب للجذاب حبله وبسمه عللوجه من حزنج تلــــوح وتلبسين الحزن للفرح بــــــدله الك و البيننا وكل حسره ودموع وكل كلمه وحرف بيها انت جمله جمله انت الجمال سطور وياج وصرتي من الحسن للشاف مثله تمنيتج لروحي نعيش الايام ونطبع على خدود الزمن قبله حرامات الورد ما ينسقى بماي يرويه العطش والماي دهله الوادم تفكد العدها من الرسوم وكل يوم انت من الفات احلى |
| يا شمعة امل ردناك يا مسحة حنان وطيب حبيناك لجل عيناك نحي ونذكر وننسى فلا ننساك على نسمة امل ماشين حملنا مراجبنا بيادر شوق متعنين يم دنياك عطشانين وين الماي تروينه بامل نتروى لو شفناك بحر والروج موتدري العذر من حيت ضيعناك تاه الدرب بينا الحيف ساحلنه المسج من حيث شميناك اجينا لبابك وياهيه يا باب الحسن بالشوق ناديناك وترينه يمر منك خيال وطيف تانيناك موش الحيف لمن غلقت بابك لجن الحيف اجينا وحظنا ماشفناك وقالوا ها خيالك هالخطف يمنه ركضنا عل الاثر ظنة فرح نلقاك لجن مامش امل منك وشيفيد الركض لو كبحت دنياك |
يناير , 5 , 2001 , أوتاوا
| طولت أبد لاحد ماقلت وانا الك ماعولت تانيتك بسد الليالي وما نمت وجلبيت عليك عمري ودورت واحسبت دقات قلبي البين اديك وسطرتها وفسرت شنهو صاير طولت سنتين كنهن ياالعفتني اذكرت نشدوني ياهو البي همت وتخبلت هيهات لاح ماقلت…ظنيت اجاوب واحترت ورديت اهذري ومادريت شتمتمت يالماكو مثلك كا قلت ذاك اليشبهك واشرت يا عبير المن هواك اتعطرت مر علينا بروح جدك طولت |
| عاشت ايدك يا الهي شهالجمال شهالبليه…اتجيبهن وتذب عليه..شهالخدود المخمليه هيه هاي الكانت برسماتي هيه…هاي هيه الكانت تحوم بخيالي عاشت ايدك يا الهي لا قصيره ولا طويله..بلي كحله عيونها وساع وكحيله شهالتصاميم الجميله شهالطراقيع النشوف شهالدواهي…عاشت ايدك يا الهي من شفتها الروح ذاهت..وفكرتي من العقل تاهت والعيون عليها شاهت…وشكثر ظليت فاهي عاشت ايدك يا الهي |
