| مدري ليش؟ شايل الروح علجفي بلايه حب اشلون اعيش مقرطفه جناحتي عقبك يالعفتني شلون اشوفنك واطير بلايه ريش بعنبرك يالاملتني تالي بدلته بجريش مدري ليش القلب حبك رغم كل لوعة صدودك مدري ليش ومدري ليش يظل كياني معلق بشخصك واحير شلون من دونك اعيش مدري ليش من اشوفك موش ظهري اعضاي بملاقاك تبرق والعقل مني يطيش وانشد ويامن يجاوب هاي ليش الصار بيه و مدري ليش؟ ليش متحمل اذيتك يالبعت بالسوق حبنا بروح ابيك بعته بيش وارد انشدك بعته ليش؟ ذاك حبنا الجنا نسهرله الليالي صدق حب لو جان طيش؟ وعقب هذا ولسه احبك مدري ليش جاوبو يا اهل الرحم وياي كلها معوكسه قللولي ليش اهنا يالاغبر بلجي تذكر ياما جمعتنا المحبه وياما كلنا بسدها عيش وتالي تبعد عني ليش ورغم ذيج وهاي اظل كل عمري احبك مدري ليش |
التصنيف: الشعر الشعبي
موتوا بغيظكم
| موتوا بغيظكم يا زارعين الغل موتوا ويا عساكم بالجرب والسل شفتوا تنفسينا وضاقت الكم العين..عقب ما مر وكتكم ضيم وتعلعل لوجان النفس بيديكم احبستوه وشفنه بعيننا الغام الضلاله تدل خليتوا المجابر ماليه الوديان..تموج من الحزن والقاع منها تزل سلبتوا الفرحه من كل بيت…وخليتوا السواد بكل مجان يحلد وخليتوا الوطن من كان على الراس مايه من الاخريه ولقمته تمسل ونرد وننقرص مرتين ما معقول من نفس الجحر والصل ووين الجننه نحلف بيه ويا وقفه النشوف لجارنا تخجل الصديج اصبح عدونا..وعدونا اليوم صار الخل انتوا اللي حفرتوا وياهو بينا ايزل |
جان عدنا بيت يزهي شمحلاته
أوتاوا, 2003
يزهي مو لنه قصر عالي وجبير
والحدايق والمزاهر والورود مجلجلات بكل جهاته
وموش لن من مرمر احمر
والبرندات العراض محوطاته
كوخ يابني
ساعة تثبت ساعه ترهز جندلاته
يابني تدري اببيش يزهي يزهي بالناس التسكنه
والبقلوب البلمحبه وبالمحنه محوطاته
وجانت شويهات عدنا منها نتريق حليبه ومنها ناكل
وجان عدنا زغير طلي محنى تسلاية وكتنا
المن ظفايرهن خواتي محنياته
جان عدنا اببيت يزهي شمحلاته
وجانت الناس اببساطه اتعيش مابيها دغش ممشى ولواته
وجان ربك راضي عنهم ومجزللهم من عطياته وهباته
اليون توقفله كلها والتوسده امه ويخيوانه وخواته
والجفوف الكلها راحه وكلها روح مفرجاته
جان عدنا اببيت يزهي شمحلاته
يابني والبطيب اجاكم كون يمحمد يرد باكثر جزاته
وجنا ملتمين اخوتي وجانت امي وجان ابوي البيه شيبات
بلحيته محلياته
وجنا من اننام ابونا ايذب على النايم عباته
البيه نشتم ريحته وطيبه واباته
وجنا من ناكل سويه ننجب بماعون واحد
ماكو مثل اليوم كلمن مشتهاته
وكلشي الذ جان السوالف والمواويل ودواوينه
ونكاته
وحتى صحن الجنا ناكل بيه الذ
وجنها عنبر لو بشاور تمناته
ومرت الايام بينا وكلمن ايلوج بشتاته
كلمن كوارت هم حاير بضيجة حياته
ايه يابني منين جاي انت الينشدك
قله اواش
يالتزاودني بغلاته
دجله بالدلال تجري
وبالقلب ينبض فراته
يلب اللروح
يناير, 4, 2001, أوتاوا
| يلب اللروح روحي انت يبعد الروح يا آهة عشق تنزف بلاي جروح يا جرة نفس تتمايل ويا الدوح يا فرحة محبه ونوح احكيلي البقلبك بوح حمل متنطرك مطروح يالراكب سفينة نوح شلون تخلي محبوبك ولك وتروح جبل ما ينجي روج يذوح يلاحقني قمت ما لوح ما تدري شعلو الطوفان والتنور قام يفوح يلب الروح لا تبعد يبعد الروح |
صعبه
| والله صعبه حالتي وحال العشق وياك صعبه عليقتيني بمحبتك غيمة تهمي والقلب يتنوع لملقاك عشبه ودوريت وجوه عمري وماكو ما بين الورد والشوك نسبه وكنت من تحكين قلبي يذوب من يسمع سو سواليفك العذبه يهيم بحروف العواطف…..يستراح وينسى تعبه وزاد حبك حبه حبه وزاد حبك يوم عن يوم القلب بيك ايتشلبه وحتى روحي النشفتها اسنين وعدك ردت بملقاك رطبه صوريتك بلسم لحسبات قلبي وزوديتيني وشلتهن من دلالك حسبه حسبه يالهواك عذيبي مر بيه وتعدى جاوبيني بوجهي بابك يا هو سده وصار حيني ليش ماعون العشق طاح من القلوب وتبدى شلون ردينا بعطشنا ياللي عبرت الأماني نهور عذبه والله صعبه صارحيني بكل رسومات الحبه حلى كل ارموز هجرك بالتصورت العشق وياي لعبه ياوعيلي القمر بعيونك تخبى ياوعيلي خلافك الدنيا اصبحت بعيوني خربه صعبه صعبه والله والعباس صعبه |
يابو المحاسن
أوتاوا
| يابو المحاسن….يا ورد شطالع بديني على البعد شلك علي غير الوفا….و شيصير الك لمن ترد هلبت ولك حنيت الي يالمارد قليبي مرد من قلت بس كافي الفرح قتلك يغاتي احزن تدلل مستعد بس راح اظل اتنطرك….نهلان وعيوني رمد خايف شلوح عللبعد يالغللقت بابك وسافة علي تسد حطيت يم اسمك ورد…وشموع علقيت انا الك يالريحتك عنبر يند….طرواك ريحان وثمد رد بوي رد لا لا تعلقني وتصد |