إلى أمي



العيد اجاني .. الليله عيد… بخريت البيت كله بياوني
يذكرني باحلى ايام مرت من زماني
واعلقت كل الشموع بعدد ما تحسب غربتي علصواني
وانتظرت الناس تلفي .. ومامش احد.. محد من الناس اجاني
بلحظه شفت رسوم امي ..والحنين الها خذه افكاري وطواني
شلون الج ابعث سلام .. شلون وابعثلج هديه ويالتهاني
ياقلب محتام اشوفج ..يابعد روحي وبعد كل العواطف والمعاني
لسه اسمعه ..يقول قلبج ….
هسه يرجع ادري بيج….. ودوم قلبج يحجي بيه…
وروحج لملقاي يايمه تتاني
ادري هسه يقول قلبج هاجر وليدي ونساني
منين وانسى…. انت ذيج مشيله وبسمتج دنيا
وريحتج عمبر .. اسمعج.
ها يبعد اجلاي تتردد بذاني
انت ذيج قبال عيني وخاتمج فيروز ..
ثوبج هاشمي وجلابج ابيض
فضه والفص بيه يماني
اطيوفج تسد الشوارع والدروب
كلها تنسد من اشوفج والحدايق والمباني
مانسيتج يمه لحظه
انت كل ساعه التمر بيها انت اسمج ينكتب وي الثواني
كذب فرحيت انا عقبج ابد يمه حتى لو سمعيت اهازيج ونكات
وحتى اغاني
كلها عنج عن الالام و غربتي وعن وطننا وعن زماني
يمه هليوم اعتذرلج ما اجيتج مو بديه
ريت اجاني الموت قبلج يالحنينه .. ودون عمرج ريته يايمه خذاني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

(3) تعليقات عن "إلى أمي"

    اماه لولا خوفي من الله لعبدنك وتستحقين من بعد الله العبادة
    يمة ياريحة الجنةالحدر اجدامج تفوح
    كلوب كل الناس صلفة اوشفت بس كلبج سموح
    جبل عالي انتي انة اوطيبتج خضرة تغطين السفوح
    انلوذ بكتارج ازغار من صار الوكت بينة جموح
    اولو يطيح الولد عندج كبل نوحة للصبح روحج تنوح
    شرد اوصفج يالقرن ربج ابأسمةابفرد لوح
    مرت ايام العذاب ونكلبت ادلال المضيف
    والوضع قاسي علينةمو قاسي لا والله مخيف
    وحنة تدرينة ييمة واحالنة كلش ضعيف
    اهاتنة كارة اصبحت الامنة تترس شليف
    والوكت داير علينة نومانة اعلة الرصيف
    جنة املوك يمج احنةاو بالغربة الملك صاير وصيف
    شوكت نرجع الحضن امنةاوتشفة من عدنة الجروح
    شوكت ايام القهر عنة تروح
    والله ماادري ياعبد الهادي شوكت؟