جيش ابرهه

 

جيش ابرهه
وصل جيش ابرهه لتحرير الأوطان…وصل والقاع من يسيمهم تميل
وصل جيش ابرهه بشارة التنطرون…وصل جيش ابرهه وياحي هالوجوه
وصل بغداد جيشه بهدوة الليل
وصل جيش ابرهه وبيدينه قرآن…تنخى بشيمته يعز المذاليل
وصل يعراقنا يطهرج يا هالقاع….وبيدين ابرهه تطيح التماثيل
وصل جيش ابرهه ورد هبل للقاع…وذب وسط النهر كل الأناجيل
وصل تلقلته ورود وهدايات…وصكت للنجم ذيج الهلاهيل
هلا وكل الهلا لسان التلقوه….هلا بجيش اليرد دم المجاتيل
خله براحته يتقمش القاع…وكل خير المزارع علف للفيل
وصل جيش ابرهه ووهوس المهوال….وزمور التفق جنهن مواصيل
وصل جيش ابرهه الحريه وياه…يرد باعدل حكم كل عايل يعيل
وصل جيش ابرهه ودمعاتنا نهور…ولقمتنا اصبحت حسرة وتماسيل
وصل لن العراق مجسم ثلوم…علم لاهل الجنوب وعلم لاربيل
لعب جيش ابرهه واتخطى الحدود…وقامت تنخر بسدنا العواذيل
قعد جيش ابرهه وشيطلعه يايوم…لا دعوة بخيت ولا أبابيل
راحوله الزلم تترجى الوعود…وردهم والجواب علتساهيل
وسافة على الزلم من ترضى بالحيف…تسهر ليلها بطرق المواويل

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *