سناء



يا سناء جان هذا اذكر مجانج وانا يمج جنت قاعد قرفصاء
جنت محتام ارد اشوفج وارجى من ثغرج رواء
ما كو شي بس انا وانتي والبحيره
وجان حايط بينا ماء
شلتج براحات اديه ..وصحت بس لا ولك ..لاء
شلون حلوه ومرت اللحظات بينا الله يا اجمل مساء
ماكو شي بس انا وانتي نذوب ونصير الفناء
وجانت النسمات عذبه والشجر عاشق مثلنا ومن يمر يداعب القذله الهواء
احلى من كل البنات واحلى من كل النساء
يا الهي شقد لذيذه وطاهره وكلج صفاء
ياورد كلج عذوبه وخدج ينقط دماء
انت بلسم للجروح وللقلب انت الدواء
قمت اروح انا لمجانك انسى كل ضيمي ومواويل العناء
اذكر اوكاتي الجميله وامسح بطيفج جبيني ويشرق بذكرج ضياء
ماشفت بالدنيا مثلج حلوه هيج وبيها مسحات السماء
مثلج انت جذب ما مثلج……. سناء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *