صعبه

 

والله صعبه حالتي وحال العشق وياك صعبه
عليقتيني بمحبتك غيمة تهمي والقلب يتنوع لملقاك عشبه
ودوريت وجوه عمري وماكو ما بين الورد والشوك نسبه
وكنت من تحكين قلبي يذوب من يسمع سو سواليفك العذبه
يهيم بحروف العواطف…..يستراح وينسى تعبه
وزاد حبك حبه حبه
وزاد حبك يوم عن يوم القلب بيك ايتشلبه
وحتى روحي النشفتها اسنين وعدك ردت بملقاك رطبه
صوريتك بلسم لحسبات قلبي وزوديتيني وشلتهن من دلالك
حسبه حسبه
يالهواك عذيبي مر بيه وتعدى
جاوبيني بوجهي بابك يا هو سده
وصار حيني ليش ماعون العشق طاح من القلوب وتبدى
شلون ردينا بعطشنا ياللي عبرت الأماني نهور عذبه
والله صعبه
صارحيني بكل رسومات الحبه
حلى كل ارموز هجرك بالتصورت العشق وياي لعبه
ياوعيلي القمر بعيونك تخبى
ياوعيلي خلافك الدنيا اصبحت بعيوني خربه
صعبه صعبه والله والعباس صعبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *