يا حسافة



أمس جن خطار دق بابي وعرفته
وقلبي قبل عيوني شافه
ياهو هالخطار اجي وينشد علينا
بهالوكت والخل نسى حبيبه
وهوى المحبوب عافه ؟
يافرح وشجابك انا
بجيتك صارت كلافه
ياحسافه
ليش هيج تسوي بينا
منت من سنين قاطع
لانشد منك وصلنا
ولاخبر بالفرح وافه
احنا بعيون الامل نبني الصرايف
عمر كله دموع واحزان وكسافه
اننام من اننام تجيتنا النواعي
وغيرنا ينام على تجيات الترافه
غيرنا احلام الهنا تكحل جفونه
واحنا من اننام تخنك بينا الف مليون آفه
تفضل ادخل يافرح موخوش وقفه
تفضل
احنا بيوتنا بيوت الضيافه
شنه عندك يافرح بشرني واحجي
عيني الك تربي بلهافه
كل طلبنا احنا ابتسامه بوجه بغداد الخذت
نضرة اشفافه
كل املنا الغيم يجزي والشمس ترسم حوافه
كل املنا الورد يتفتح بدينا وينشر ارياحه برهافه
يمته كابوس الدجل يترك وطنا
وتنقضي ايام الخلافه

اترك تعليقاً

لن يتم نشر عنوان بريدك الإلكتروني.